En l’entir Grischun ston fermadas da bus vegnir sanadas. Quai tenor la lescha davart l’egualitad da persunas cun impediments. Fin uss correspundan be paucas fermadas da bus a las pretensiuns da la lescha federala. Il termin per adattar edifizis e stabiliments existents è fixà a 20 onns suenter l'entrada en vigur da la lescha, pia scada el ils 31 da december 2023.
Il mars 2019 ha la regenza laschà elavurar in agid da lavur e da calculaziun per las vischnancas per adattar las fermadas da bus tenor lescha. Plinavant è vegnì fixà che las vischnancas duain vegnir sustegnidas cun meds finanzials per ademplir questa incumbensa. En ina missiva separada al Cussegl grond dumonda la regenza ussa in credit da 25 milliuns francs. Plazzas da fermada dal bus vi da vias chantunalas n'èn betg integradas. Ellas vegnan finanziads sur la finanziaziun speziala «vias».
La regenza ha deliberà ina missiva per in credit da 25 milliuns francs.
Il Cussegl grond vegn probabel a tractar la fatschenta en la sessiun da december.
RR novitads 09:00