Siglir tar il cuntegn

Header

Navigaziun

La porta en l'uschènumnada Chasa Grischa ch'è la sedia da la regenza grischuna a Cuira.
Legenda: La regenza ha decidì che l’entir pachet da la refurma dal territori va en vigur sin il 1. da schaner 2016. RTR, F. Cajochen
cuntegn

Chantun 2016 è punct da partenza per la refurma dal territori

La refurma dal territori en il Grischun va en vigur sin l'entschatta da schaner 2016, quai ha decis la regenza.

Quai munta che las 11 regiuns novas che remplazzan ils circuls, las corporaziuns ed ils districts, daventan activas a partir dal 1. da schaner da l'auter onn.

Cun excepziun dals 4 circuls da Tumleastga, Mesauc, Engiadin'Ota e Surses vegnan uschia tut ils circuls, las corporaziuns ed ils districts abolids sin il 2016. Quests 4 circuls adempleschan incumbensas surcommunalas, e vegnan perquai abolids pir sin la fin dal 2017.

RR novitads 12:00