L'ediziun 2018 da l'exposiziun d'agricultura Agrischa ha attratg 19'000 visitaders questa fin d'emna sin l'Obere Au a Cuira. Cun quest dumber è Sepp Föhn, il president dal comité d'organisaziun pli che cuntent.
Nus essan fitg cuntents. Nus avain gì bler dapli glieud ch'ils onns passads ed ans legrain d'esser cun questa Agrischa 2018 sin la dretga via.
Cunzunt las bleras purschidas per uffants, da gieus fin tar il zoo cun divers animals, hajan attratg bleras famiglias, uschia Sepp Föhn vinavant.
Ils ultims onns ha l'Agrischa mintgamai gì radund 10'000 visitaders. L'onn proxim vegn l'Agrischa organisada a Zernez.
RR novitads 17:00