Siglir tar il cuntegn

Chantun 16 mesiras per reducir las ristgas da catastrofas

La regenza ha decis tgeninas da las 16 mesiras per reducir las ristgas che vegnan realisadas. 12 da las 16 mesiras elavuradas da l'Uffizi da militar e da protecziun civila èn vegnidas giuditgadas sco madiras.

Lavurs da reconstrucziun pervia d'ina malaura en Grischun
Legenda: Donns suenter d'ina malaura a Schlans. Keystone

Ils custs per introducir questas mesiras cumpiglian radund 1,6 milliuns ed ils custs annuals 300'000 francs. Las quatter ulteriuras mesiras na sajan dentant betg anc madiras e duain vegnir redigidas avant che prender decisiuns, scriva la regenza grischuna.

Dapi quatter onns en lavur

Il 2013 ha l'Uffizi da militar e da la protecziun civila survegnì l'incumbensa da la regenza d'analisar las ristgas en il sectur da catastrofas e d'elavurar ina planisaziun da mesiras a basa da questa analisa. Analisà areguard ristgas ha l'uffizi in vast spectrum da privels da la natira, da la societad e da la tecnica.

En in segund pass ha l'uffizi giuditgà la protecziun actuala da la populaziun grischuna ed elavurà mesiras per reducir las ristgas existentas. En il focus èn stadas ils differents aspects da la collavuraziun tranter las differentas organisaziuns ed incumbensas.

RR novitads 09:00