Chantun - 16 fatschentas pertutgadas da lavur curta
En il chantun Grischun èn actualmain 16 fatschentas cun 136 collavuraturs e collavuraturas pertutgadas da lavur curta, quai ha il schef dal Departament d’economia publica e fatgs socials, Jon Domenic Parolini, confermà ad RTR.
Cunzunt sajan interpresas da la branscha da construcziun e manaschis da producziun pertutgads. La raschun da la lavur curta sajan tenor las interpresas il ferm franc svizzer, uschia Parolini plinavant.
La fin da favrer eran anc 15 fatschentas pertutgadas da lavur curta. La situaziun na saja dentant betg dramatica.
