Siglir tar il cuntegn

Chantun 16 dis encunter violenza encunter dunnas

Mesemna, ils 25 da november, cumenza l'acziun mundiala «16 dis encunter violenza encunter dunnas».

Violenza encunter ina dunna.
Legenda: Violenza encunter dunnas e savens in tema da tabu. Keystone

Durant quels dis tematiseschan pliras organisaziuns, uniuns e posts la violenza encunter dunnas. La violenza ha savens lieu en l’ambient da la famiglia, en il zuppà e vegn darar tematisada.

En il Grischun ha la chasa da dunnas organisà pliras occurrenzas per far attent sin il tema da tabu. L'emprima occurrenza è ils 3 da december en il Cinema Sil Plaz a Glion. Là vegn mussà il film "Refugiado" che tematisescha e visualisescha bain la situaziun da dunnas ch'èn unfrendas da violenza.