Siglir tar il cuntegn

Header

cuntegn

Chantun 1500 emprendists en il Grischun

Tgi che tschertga ina plazza d'emprendissadi en il Grischun, quel chatta era ina. Quai di Justina Simeon-Cathomas da l'Uffizi chantunal per la furmaziun professiunala.

Quest onn han bun 2'000 scolaras e scolars terminà la scola e bun 1'500 dad els han tschernì in emprendissadi. Auters fan in gimnasi, in'autra scolaziun ubain in 10avel onn da scola.

audio
Situaziun d'emprendissadis en Grischun
ord Actualitad dals 02.08.2016.
laschar ir. Durada: 1 minuta 3 Secundas.

Il pli tschertgà resta vinavant l'emprendissadi mercantil tar giuvnas e giuvens - saja quai en Svizra u er en il Grischun. I dat dentant era branschas sco il sectur da bajegiar, l'industria u la gastronomia che han difficultads da chattar emprendists. Quest onn èn circa 500 plazzas d'emprendissadi betg occupadas.

Surtut l'interess per il sectur sanadad fa plaschair
Autur: Justina Simeon-Cathomas Uffizi per la furmaziun professiunala GR

Dapi insaquants onns observa il chantun in nov trend: L'interess per emprendissadis en il sectur da sanadad e socialesser crescha. Il motiv saja surtut novs emprendissadis u era las novas pussaivladads per sa scolar vinavant silsuenter.

RR novitads 12:00

Artitgels legids il pli savens