Siglir tar il cuntegn

Header

cuntegn

Chantun 14 milliuns francs per promover products regiunals

Cun la campagna «festa dals senns» vul Graubünden Viva far attent sin products regiunals. Durant 18 mais participeschan ed organisescha els curs, fieras ed autras occurenzas. Vinavant sajan planisadas plattafurmas online per sa barattar or davart products regiunals.

Il public en mira da la campagna è per ina vart turists, da l'autra vart dentant er Grischuns e Grischunas sezs. Els duessan vegnir «sensibilisads davart ils product indigens», uschè Philipp Bühler, manader da project da Graubünden Viva. Betg mo la culinarica stat sin il plan, ma er tut ils products producids ni concepids en Grischun – da la turta da nuschs fin a la mobiglia.

Graubünden Viva?

Avrir la box Serrar la box

L'uniun Graubünden Viva datti dapi l'onn 2016. Lur finamira è da promover ils products grischuns sco era il lieu Grischun. En la societad purtadra sesan commembers e firmas da tut las spartas, la hoteliera, gastronomia, economia, transport, agricultura ed economia.

En il center da la festa dals senns è adina puspè la scuntrada in grond tema.

Ils inscunters èn fitg impurtants per avair dapli contact tranter consuments e producents.
Autur: Philipp Bühler Responsabel principal per Graubünden Viva

Dapli ch'in consument vegn a savair davart in product e tgi che producescha, pli probabel ch'el cumpra era quels products. Perquai èn er sguards davos las culissas dals producents sin il plan. Da là vegn era il num «festa dals senns». Il consument duess emprender d'enconuscher in product da differentas vart – quasi cun tut ils senns.

Chantun sponsurescha 5 milliuns francs

Il budget total da la campagna da 18 mais è tar 14 milliuns francs, tschintg milliuns vegnan da la regenza – pia daners da taglia. Per controllar sche quels raps vegnan investids bain, vegnian adina puspè mesirads ils effects dal program. Tenor Philipp Bühler sa mussa l'effect en rapports da medias, pli autas cifras da vendita e surtut tras producents cuntents.

RR novitads 06:00

Artitgels legids il pli savens