13% dapli insolvenzas il 2015

L'onn passà han en il Grischun 77 interpresas declerà insolvenza. Quai èn 13% dapli che l'onn avant. En l'entira Svizra han bunamain 4'400 interpresas declerà insolvenza. Quai èn 7% dapli ch'anc avant 1 onn.

Dumber da concurs CH: Il dumber da tut las firmas ch'han annunzià insolvenza.

Tenor il servetsch d'infurmaziuns economicas Bisnode è quest svilup d'attribuir cunzunt al ferm franc svizzer. Cun lez squitsch sajan bleras firmas vegnidas en perfetg da liquiditad ed hajan stuì annunziar insolvenza.

Persuenter dapli firmas novas

Percunter èn en il Grischun 990 interpresas novas vegnidas fundadas. Quai munta in plus da 4% cumpareglià cun l'onn avant. En l'entira Svizra èn passa 40'800 interpresas vegnidas fundadas. In minus da 2%.

RR novitads 15:00