Siglir tar il cuntegn

Header

video
150 onns Crusch Cotschna Svizra
Or da Telesguard dals 31.05.2016.
laschar ir. Durada: 4 minutas 37 Secundas.
cuntegn

Chantun 125 onns Crusch Cotschna Grischun

Quest onn festivescha la Crusch Cotschna il giubileum da 150 onns. L' auter onn festivescha lu era la Crusch Cotschna Grischun ses giubileum da 125 onns. Tge è sa midà dapi lura e tgenins èn ils pensums actuals da la Crusch Cotschna Grischun?

«En ils emprims onns da l’activitad da la Crusch Cotschna era la povradad insatge fitg evident», declera Denise Ryffel, la manadra da fatschenta da la Crusch Cotschna Grischun. Quai sajan stads onns da guerra, temps da recessiun, temps dad epidemias, sco per exempel la grippa spagnola. La povradad eria visibla. Uschia erian la solidaritad ed er l'appel per acziun in auter ch’ozendi. Per ils blers na saja la povradad betg pli insatge evident, uschia la manadra.

audio
Bunura: Crusch cotschna GR: Lavur oz ed en l'avegnir
ord Actualitad dals 01.06.2016.
laschar ir. Durada: 2 minutas 1 Secunda.

Integraziun, tgira e povradad

La finamira principala da la Crusch Cotschna Grischun saja da promover l'integraziun sociala e d'impedir l’exclusiun sociala cun lur purschidas. In pensum actual saja la lavur da tgira. La glieud vegnia adina pli veglia ed ella veglia star uschè ditg sco pussaivel a chasa. Dad ina vart possia la famiglia gidar, la l’autra vart dovria purschidas professiunalas, di Ryffel. In auter tema che saja adina actuals, saja la povradad.

«I vala da promover l'egualitad da las schanzas. Quai cun scolar e sustegnair l'integraziun en la vita professiunala.»
Autur: Denise Ryffel Manadra da fatschenta da la Crusch Cotschna Grischun

Tar l' integraziun vegnia en l'avegnir era il context da migraziun ad esser d'impurtanza. Tar la purschida 1:1 accumpognian il mument per exempel 70 voluntaris ils fugitivs en lur vita da mintgadi, uschia Ryffel vinavant.

RR actualitad 06:00

Artitgels legids il pli savens