Siglir tar il cuntegn
Inhalt

Chantun 100 dis intensivs per Susanna Gadient

100 dis è Susanna Gadient manadra da l'Uffizi dal servetsch social dal chantun Grischun. Sco quai che la dunna da 40 onns ha ditg envers RTR èsi stà 100 dis intensivs.

in purtret da Susanna Gadient
Legenda: Dapi 100 dis è Susanna Gadient uss en uffizi. MAD

Il prim da mars ha Susanna Gadient surpiglià il post da manadra da quest uffizi. La migraziun è durant ils emprims 100 dis stà il tema principal durant la lavur. I saja da fa blera lavur da cussegliaziun cun ils fugitivs. I saja per exempel da chattar abitaziuns per fugitivs, di Susanna Gadient.

Nova incumbensa sco scheffa

Tar l'uffizi social è Gadient gia dapi l’onn 2008. Dapi il 2009 è ella lura stada manadra dal ressort per agid per persunas cun impediments. Ma, uss sco manadra da l'uffizi dettia anc bler dapli incumbensas. I saja da planisar bler e la fin finala saja ella era la persuna responsabla da l'uffizi.