1 mais «rambazamba» a Cuira

Questa saira vai liber – il campiunadi d’Europa en Frantscha. E liber na vai betg mo en ils stadions en Frantscha, na, er a Cuira regia il proxim mais il retg ballape – almain en la Vögele-Arena. Tuts 51 gieus vegnan mussads en l’arena che porscha plaz per radund 1'100 aspectaturs.

Laschar ir video «L'arena vegn construida»

L'arena vegn construida

1:06 min, dals 10.6.2016

L’arena sin la plazza dal teater amez Cuira dat en egl. In’arena pompusa che porscha plaz per passa 1'100 aspectaturs - construida entaifer paucs dis. Durant il campiunadi d’Europa, pia durant 30 dis (ils 10 da zercladur fin ils 10 da fanadur) dastgan ins spetgar rambazamba en l’arena.

Dad aut u forsa memia dad aut?

Sche passa 1'000 persunas èn sin in mantun èsi cler ch’i vegn cuntanschì in tschert livel da canera. Quai conceda era Ivo Frei, in dals organisaturs da la Vögele-Arena a Cuira. Sin il pli tard da mesanotg èn ils gieus a fin. Els hajan tuttina discurrì cun ils vischins ed envidà en els per vegnir a guardar ils gieus gratuitamain.

E la fin finala - in campiunadi d’Europa na saja betg mintg’emna.

Laschar ir video «Nus avain discurri cun vischins»

Nus avain discurri cun vischins

0:19 min, dals 10.6.2016

«  Jau chapesch quels che dian ch’i saja memia dad aut. »

Ivo Frei
organisatur Vögele-Arena

Public viewings sco a Cuira èn dumandads

Ivo Frei e l’uniun khur.ch organiseschan l'eveniment, perquai che l'interess è fitg grond tar la populaziun. Gia duas uras suenter il cumenzament da la prevendita sajan varga 9'500 bigliets vegni vendids, di Ivo Frei. Uss curt avant l'EURO sajan passa 60% dals bigliets da tut ils 51 gieus gia vendids. Ina tscherta euforia saja avant maun. «Igl è uras ch’i cumenza».

Laschar ir video «Il pli bel mument è cura ch'i va liber»

Il pli bel mument è cura ch'i va liber

0:16 min, dals 10.6.2016

«  Il mument cura che nus avrin l’arena per l'emprim gieu – quai è il pli bel mument. »

Ivo Frei
organisatur Vögele-Arena