Siglir tar il cuntegn
Inhalt

Chantun 1,4 milliuns per innovaziun, svilup e perscrutaziun en Grischun

La fundaziun per innovaziun, svilup e perscrutaziun dal chantun Grischun ha sustegnì l'onn passà 10 projects cun potenzial da plazzas e creaziun da valur. Las contribuziuns totalas muntan a 1,4 milliuns francs.

In lavurer da Designergy a San Vittore.
Legenda: In dals projects promovids è la firma «Designergy SA» a San Vittore. Ella construescha elements da tetg cun elements fotovoltaics integrads. Keystone

Aifer ils 8 onns dapi ch'i dat la fundaziun hajan ins sustegnì 92 projects, communitgescha la fundaziun. 26 da quests projects èn gia terminads. En tut èn vegnidas inoltradas 227 dumondas per sustegn finanzial.

Fundaziun cuntinuescha promoziun

L'onn passà aveva la regenza decis da betg pli metter a disposiziun ulteriurs meds per la fundaziun. Uschè ditg ch'ils meds finanzials lubeschan quai cuntinuescha la fundaziun però sia lavur. In interess spezial da la fundaziun è la promoziun d’interprendiders giuvens.

En l'avegnir po il chantun sustegnair projects innovativs sur la lescha per il svilup economic.

RR novitads 10:00