Igl èn simplas chaussas sco per exempel ir cun velo ni il cumportament cun dunnas en sortida che n'èn betg medemas en la patria da blers requirents d’asil. Perquai avain nus la lezia da declerar ad els, tgeninas reglas che valan en il Grischun.
Infurmar e render attent als usits grischuns
Perquai han els per exempel organisà l’atun passà ina saira d’infurmaziun per bun 100 requirents d’asil a Cuira. Quai cun grond success, uschè Ueli Caluori. Che ina dunna haja manà la saira d’infurmaziun saja stà ina decisiun conscienta. Quai per signalisar ch'ins haja era da far per cumond ad ina dunna en Svizra.
La gronda part sa cumporta fitg bain
Malgrà ch’ins audia adina puspè da cas negativs, conferma Ueli Caluori che la gronda part sa cumportia fitg bain. Quai sajan adina mo singuls cas che fetschian donn a la reputaziun da tut ils requirents d’asil.
RR actualitad bunura 06:00