Siglir tar il cuntegn

Grischun Bun cumenzament per Spleia Tambo

La naiv e la nova strategia da las pendicularas Spleia Tambo han manà ad ina buna entschatta da la stagiun d'enviern a Spleia. Quest december han las pendicularas da Spleia fatg 30% dapli svieuta ch'ils decembers dals onns passads.

Legende: Video Bun cumenzament da la stagiun d'enviern a Spleia abspielen. Laufzeit 03:10 Minuten.
Or da Telesguard dals 27.12.2017.

Il mais december è stà in success cumplain: las pendicularas Spleia Tambo han fatg varga 30% dapli svieuta, cumpereglià cun ils decembers dals onns passads. Il success è collià cun las bunas cundiziuns dad ir cun skis sur il dis da festa sco era cun la nova strategia da las pendicularas che cumpiglia differents rabats per ir sin pista

Enfin la stad passada na veseva quai betg ora bain per las pendicularas Spleia Tambo. Las pendicularas avevan 6.5 milliuns francs debits. La situaziun era precara. Cun l'agid d'acziunaris, da bancas e las vischnancas da la regiun èsi reussi da sbassar ils debits sin 600'000 francs.

RTR Telesguard 17:40