«Brass&Light»

«Brass&Light» Concert extraordinari cun musica da brass e show da glisch

Cun il project «Brass&Light» percura GR Brass novas vias per festivar igl giubileum da 30 onns. In project cun musica da brass ed impressiuns da glisch spectacularas sin ina taila da 70 meters lunghezza e bunamain 8 meters aultezza.

Autur: Daniel Berther / Giana Maria Cantieni

Inizià il project ha Giancarlo Caviezel ch'è gia 25 onns conmember da la GR Brass ch'aveva fin avant in onn anc gì num Brass surselva. Cunquai ch'els avevan adina dapli conmembers e conmembras, er dad autras regiuns, han els midà il num en GR Brass. Els sunan en la categoria d'elita, nua che las diesch meglieras bands dals ultims diesch onns sunan.

Il project monstrus custa radund 250'000 francs. Sustegn survegn GR Brass da differents sponsurs, sco per exempel la promoziun da cultura Grischuna, la Confederaziun, differentas fundaziuns e sponsurs privats. La producziun «Brass&Light» pon ins giudair dals 30 da settember fin ils 2 d'october 2022 en la Stadthalle a Cuira cun radund 400 plaz per mintga concert. «Brass&Light» è in dals pli gronds events che la GR Brass hà realisà fin ussa. Il dirigent Gian Stecher ha durant il concert ina sfida supplementara; durant ch'el diregia, sto el mintgamai smatgar sin in buttun per ch'ils endretgs maletgs vegnan mussads sin la taila.