Siglir tar il cuntegn
Inhalt

Grischun Blers iruns grischs èn vegnids sajettads en il Grischun

L'irun grisch è in utschè protegì e dastga sulet vegnir sajettà excepziunalmain. En il Grischun hai dà il 2016 fitg bleras excepziuns. Da 51 iruns grischs sajettads en l'entira Svizra, èn 49 vegnids sajettads en il Grischun.

Irun grisch
Legenda: Da 51 iruns grischs sajettads il 2016 en Svizra èn 49 stads pertutgads en il Grischun. Keystone

Iruns grischs dastgan sulet vegnir sajettads...

  • sch' ils iruns piglian pliras giadas peschs ord ina tratga.
  • sche pli bler che 10% dals peschs en in'aua vegnan blessads.

En il Mesauc èn omadus puncts stads ademplids l'onn passà. Che surtut il Mesauc ed uschia il Grischun è stà pertutgà, po tenor Hannes Jenny da l'uffizi per chatscha e pestga avair da far cun las tratgas. Questas èn forsa en la bassa protegidas meglier cunter ils utschels che las tratgas en il Grischun, ha Jenny ditg al schurnal regiunal da radio SRF.

«Birdlife» na crai betg

Werner Müller da l'uniun da protecziun d'utschels Birdlife na sa strusch crair ch'i haja gì uschè blers donns en il Grischun che giustifitgeschan da sajettar en il Grischun 49 dals 51 iruns grischs sajettads en Svizra. Birdlife e l'uffizi per chatscha e pestga dal chantun Grischun vegnan a discutar las proximas emnas ensemen co agir en l'avegnir pertutgant l'irun grisch.

RR actualitad 17:00