I na dettia è naginas cumpetenzas che stoppian vegnir cuntanschidas e nagina controlla. Ina licenza per far nagut uschia Bernard Cathomas, in dals gronds aderents dal RG. Cun la Lia actuala na saja quai betg pussaivel da cuntanscher insatge auter. La Lia na saja betg pronta dad argumentar ed insister avunda, uschia Cathomas.
Il president actual Duri Bezzola sa dosta encunter quella reproscha. La Lia saja vegnida a questa conclusiun cun collavurar cun las uniuns regiunalas. La proposta na saja betg be in cumpromiss mabain la dretga via. Il davos pled en chapitel n’han dentant ni Duri Bezzola ni Bernard Cathomas mabain la regenza cul schef dal departament d’educaziun Martin Jäger. Tenor el sajan ins vid examinar la proposta e decidi lura sch’ins vul surpigliar ella in tar in u betg.