Il Cussegl federal ha dà glisch verda al plan da protecziun e niz per duvrar la forza idraulica dal «Bergbach». Quai ha il Cussegl federal decidì en sia sesida emnila. Cun approvar il plan da protecziun e d'utilisaziun è il project per l’ovra idraulica Fideris in pass vinavant. Il flum saja gia oz surbajegià fermamain ed haja perquai be in potenzial ecologic limità.
En il medem intschess sco il «Bergbach» sa chatta il «Malanserbach». Sco cuntramesira na dastga l’aua da lez betg vegnir duvrada per ils proxims 80 onns – uschè ditg vala la concessiun. Il «Malanserbach» è in aual prezius per l’ecologia e per la cuntrada; spezialmain la cascada da l’aua ch’è bain visibla da l’autra vart da la val.
La nova ovra electrica a Fideris duess producir energia per radund 3’300 chasadas l’onn. Sche tut va tenor plan duess l'ovra ir en funcziun l’onn 2028.
