Siglir tar il cuntegn
Inhalt

Grischun Art da surmar a Trun

Ellas èn vegnidas da San Francisco, New York u Berkeley – ed èn fascinadas da Trun. Tschintg artistas e bunas amias exponan il mument lur art textil en il Museum Sursilvan Cuort Ligia Grischa.

Legende: Video Art internaziunal en il museum a Trun abspielen. Laufzeit 01:51 Minuten.
Or da sil punct dals 09.08.2018.

Il vitg da Trun è enconuschent per l'anteriura Fabrica da ponn – uss stat il vitg en il center da l'art textil. Tschintg damas d'art han numnadamain preparà in'exposiziun nunusitada en il Museum Sursilvan.

Da las metropolas en Surselva

Las artistas èn fascinadas da la cuntrada sursilvana. L'architectura, las valladas autenticas, la quietezza e la pizza inspireschian ellas, e quai vegnian ellas a prender cun ellas en la patria, han las dunnas ditg.

Exposiziun fin il settember

Era sche las damas d'art returnan bainbaud en la patria, lur art resta anc qua fin mez settember. Fin lura pon ins visitar l'exposiziun en il Museum Sursilvan durant ils dis d'avertura dal museum. Tenor cunvegnientscha pon ins era visitar il museum ordaifer il temp d'avertura.

SP sil punct 17:45