Siglir tar il cuntegn

Grischun «Arcas Rock» cun quatter bands

A l’emprim «Arcas Rock» vegnan 4 bands a dar concerts. Da la partida vegn era ad esser il musicist da Cuira, Reto Kaufmann.

La plazza dad Arcas a Cuira.
Legenda: Il 16 da zercladur vegni a dar party e musica sin la plazza dad Arcas a Cuira. RTR, Flurina Cajochen

Sper Reto Kaufmann vesan ils visitaders dal festival era il duo israelian «Lola Marsh», «The Gardener & The Tree» da Schaffusa ed il duo talian-svizzer «Me+ Marie».

Sco l’organisatur, Wohlklang, scriva en ina communicaziun è il festival «Arcas Rock» ils 16 da zercladur. L’uniun Wohlklang ha la finamira dad organisar en il Grischun festivals da musica ch’èn pretensius dal punct da vista cultural. Plinavant vul l’uniun dar ad artists regiunals ina plattafurma per dar concerts.