Adina puspè: Gronds incendis da guaud en Svizra

Mintg'onn dat quai en Svizra da quai da 80 incendis da guaud. Da preschent brischan 60 hectaras guaud en il Mesauc. Avant 20 onns han brischà 400 hectaras en il Mesauc.

Il fieu da guaud a Visp il 2011.

Legenda da maletgs: Il fieu da guaud a Visp il 2011. Keystone

  • 2011 (avrigl): Visp en il chantun Vallais. Radund 100 hectaras guaud brischan.
  • 2007 (avrigl): Ronco sopra Ascona en il Tessin. Dus helicopters gidan da stizzar il fieu.
  • 2003 (avust): 300 hectaras guaud brischan sur Leuk en il Vallais. 300 persunas vegnan evacuadas. Ina persuna admetta pli tard d'avair mess il fieu.
  • 2003 (stad da chaliras): plirs fieus en la Val Calanca, la Val dal Maggia, la Leventina ed en il reservat natiral «Les Grangettes» en il Vad. Fieus era en il Giura, e sper Nossadunnaun.
  • 1997 (avrigl): Sper Mesocco brischan entaifer da duas emnas 400 hectaras. Super-pumas èn en acziun.
  • Laschar ir video «Schweiz aktuell incendi Mesauc»

    Schweiz aktuell incendi Mesauc

    0:38 min, dals 17.4.1997

Il fieu da l'avrigl 1997 en il Mesauc.

Legenda da maletgs: Il fieu da l'avrigl 1997 en il Mesauc. Uffizi forestal dal Grischun 2008

  • 1997 (primavaira): Sur Ronco sopra Ascona brischa il guaud. Pli tard datti pervia da quai ina gronda bova.
  • 1994 (avrigl): 200 hectaras dal guaud Pfynwald en il Vallais brischan.
  • 1985 (december) : 110 hectaras brischan sin il St. Luzisteig.
  • 1983 (stad): 50 hectaras guaud ardan en Val Müstair.
  • 1973: In onn da record da fieus da guaud. 1600 hectaras brischan en tut la Svizra.
  • 1943: Al Calanda sper Cuira brischan 500 hectaras guaud.
Il fieu en Val Müstair dal fenadur 1983.

Legenda da maletgs: Il fieu en Val Müstair dal fenadur 1983. Uffizi forestal dal Grischun 2008

Per cumparegliar anc autras dimensiuns: La stad 2016 hà brischà in guaud da pinias a La Palma. Tut en tut sajan vegnidas destruidas da quai da 5'000 hectaras guaud.