Siglir tar il cuntegn
cuntegn

Grischun Adina dapli parts dal Grischun èn isoladas

La Val Müstair ed il Samignun èn isolads pervia dal privel da lavinas. E l'Engiadina bassa e mo accessibla sur il Vereina. Davent da la dumengia saira a las otg serran adina dapli vias en l'entir Grischun.

Situaziun actuala dal Grischun (dumengia, 18:34).
Legenda: Situaziun actuala dal Grischun (dumengia, 10:36). Infurmaziun da vias dal Grischun

Curt e concis

  • Pervia dal privel da lavinas datti restricziun en il traffic sin via e sin binari.
  • Samignun e la Val Müstair èn isolads pervia dal privel da lavinas.
  • l'Engiadina Bassa e mo cuntanschibla sur il Vereina.

En il Grischun chattan ins la dumengia bellas cuntradas d'enviern. La ferma navaglia ha però er consequenzas che fan pli pauc plaschair:

La Val Müstair è isolada enfin almain mardi: il Pass dal Fuorn resta serrà. Er Samignun è isolà e l'Engiadina Bassa è da cuntanscher be tras il tunnel dal Vereina – e quai mo fin dumengia saira a las otg. Davent da las otg vegn la via tranter Giarsun e Lavin serrada. Lura è er L'Engiadina Bassa tranter Ardez e Martina isolada.

Er en l'ulteriur Grischun datti restricziuns da traffic

Ma era la situaziun en l'ulteriur Grischun vegn adina pli precara. Il suentermezdi eran singulas vias e singuls trajects da la Viafier serrads. En il decurs da la saira serran dentant adina dapli vias, il link avra en ina nova fanestra. Quai pertutga cunzunt er la Surselva.

Ed a Tavau han las autoritads ordinà a 20 chasadas dad ir en localitads segiras la saira.

Grond privel da lavinas

En il Nord dal Grischun è mo il pass dal Lucmagn serrà. Il privel da lavinas è dentant er en il Nord grond. Tenor l'institut da naiv e lavinas a Tavau vala in privel da lavinas 4 - pia il segund aut stgalim

RR novitads 06:00