Siglir tar il cuntegn
Inhalt

Grischun Adatg – Il livel d'aua po crescher fitg svelt

Las Ovras electricas d'Engiadina SA averteschan dad undadas pervi da derschentadas da lur tschiffadas dasper flums e dutgs en l'Engiadina.

Tavla che fa attent ch'igl è privlus da sa retegnair en il letg dal flum.
Legenda: Tavla che fa attent ch'igl è privlus da sa retegnair en il letg dal flum. MAD

Urizis ma er tschiffadas d'aua che vegnan derschentadas, pon laschar crescher il livel d'aua a moda fitg svelta. Las derschentadas vegnan fatgas automaticamain e pon capitar da tuttas uras ed er da bell'aura. Pertutgads da quai èn l'En davent da S-chanf vers engiu e surtut il Spöl tranter Punt dal Gall enfin a Zernez.

Privel – sin agen ristg

Derschentadas vegnan fatgas durant l'entir onn. Il pli savens dentant da la primavaira fin l'atun. Sper las auas numnadas èn vegnidas posiziunadas intginas tavlas che fan attent sin quest fatg. Persunas che sa ferman direct dasper l'aua fan quai sin agen ristg.

RR novitads 11:00