Siglir tar il cuntegn
Inhalt

Grischun Accident da Norbert Joos senza consequenzas giuridicas

La crudada mortala da l'alpinist grischun Norbert Joos l'onn passà al Piz Bernina n'ha naginas consequenzas giuridicas. La procura publica ha sistì la procedura penala.

Norbert Joos en il Himalaya.
Legenda: Norbert Joos tutgava tar ils alpinists svizzer cun il pli grond success. Keystone

Las investigaziuns hajan mussà che nagin saja responsabel per la crudada, uschia scriva la procura. Il guid da muntogna da 55 onns era sa disgrazià la stad passada cun ina squadra da suga da trais al Piz Bernina. Al spitg dal Spalla era il trio crudà 160 meters en la profunditad. Joos è mort anc al lieu, ina dunna ed in um talian han survivì cun grevas blessuras.

Malgrà che «Noppa» Joos n'era strusch enconuschent sur ils cunfins grischuns ora, tutgava el tar ils alpinists svizzers cun il pli grond success. Joos ha dumagnà 13 dals 14 pizs da 8'000 - tuts senza oxigen. Sulet il Mount Everest ha el mai dumagnà. L'emprova dal 2008 n'è betg reussida. Dasper l'alpinissem aveva Joos ina fatschenta per sport da mutogna a Cuira.

RR novitads 12:00