Siglir tar il cuntegn

Grischun 117'000 pernottaziuns pli pauc

Dal schaner fin il zercladur ha il Grischun registrà radund 2,5 milliuns pernottaziuns, quai communitgescha l'Uffizi per economia e turissem dal Grischun. Per l'hotellaria grischuna munta quai in minus da 4,4% u 117'000, cumpareglià cun il medem temp dal 2014.

3 clavs da chombras da hotel pendan vid lur crutsch
Legenda: Bleras clavs da chombras n'èn betg vegnidas isadas l'emprim mez onn. Keystone

Nov da las 14 regiuns turisticas da la Svizra han registrà damain pernottaziuns l'emprim mez onn, il Grischun dentant il pli grond minus. Cumpareglià cun la media dals ultims 5 onns munta il minus dal Grischun a 9,5%.

En l'entira Svizra èn las pernottaziuns da l'ultim mez onn perencunter sa reducidas mo per 0,6% u 109'000 sin totalmain 17 milliuns, quai malgrà il ferm franc. 9,3 milliuns pernottaziuns derivan dals giasts da l'exteriur. Tar ils giasts indigens èn las pernottaziuns s'augmentadas per 0,9% u 70'000 sin 7,7 milliuns.

RR novitads 10:00