Siglir tar il cuntegn
Inhalt

Grischun 1000 kilometers a pe tras la Svizra

Dapi in onn e mez vivan ils requirents d’asil Mohammad Rasuli e Hamid Jafari en Svizra. Anc n’è betg cler sch’els pon restar qua u betg. Per emprender d’enconuscher tut las fassettas da la Svizra fan els lur atgna tura a pe. Ier èn els ids da Flem en direcziun Cuira.

Legende: Video 1000 kilometers a pe tras la Svizra abspielen. Laufzeit 03:47 Minuten.
Or da Telesguard dals 24.05.2017.

Avant trais emnas han els cumenzà lur viadi ad Aarau. Dapi dumengia èn els en il Grischun. Arrivads sur il pass dal Lucmagn, han els durmì ina notg a Curaglia. Da là davent èn els ids a pe enfin Glion. A Scheia sur Flem han els passentà la notg tar la famiglia Schmid.

Jau hai emprendì ina massa sur da la Svizra e dals Svizzers. Jau sun fitg cuntent da quellas bleras impressiuns. La ospitalitad da la glieud è stada enorma.
Autur: Hamid JafariRequirent d'asil

Ensemen cun ils scolars da la terza superiura da Flem han els prendì la via sut ils pes. Ils scolars han mussà ad els il lai da Cauma, la Ruinaulta ed il lai da Cresta.

Avant che Mohammad Rasuli ed Hamid Jafari han pudì far il viadi, han els gì da surmuntar intgins obstachels. Uschia dorma Mohammad Rasuli tschintg notgs ad emna en il center per requirents d’asil ad Aarau e visita vinavant il curs da tudestg. Ch’i saja tuttina grategià da far il viadi, saja in grond regal.

Nus vulain far ina fin cun pregiudizis. Nus essan carstgauns sco tut ils auters era, betg megliers e betg menders.
Autur: Hamid JafariRequirent d'asil

Telesguard 17:40