Siglir tar il cuntegn

Generation What Vegnir sur las rundas? Nagin problem!

Co descrivessas ti tia situaziun finanziala mumentana? Empernaivla? En urden? In zic difficila u forsa schizunt trista?

Legende: Video Generation What - Tge munta independenza abspielen. Laufzeit 02:54 Minuten.
Or da Battaporta dals 12.08.2016.

Ina gronda maioritad u 43% dals giuvenils dumandads en l'Europa inditgeschan che lur situaziun finanziala saja il mument en urden, quai independent sch'els lavuran en ina professiun u sch'els èn anc students. Sulet 9% dian ch'els hajan difficultads da vegnir sur las rundas.

Portugais, Talians ed Irlandais sa lamentan il pli savens

Ord la retschan crodan sulet 3 pajais: L'Italia, il Portugal e l'Irlanda. Qua din ina maioritad da tranter 33 e 37% da sa chattar en ina situaziun finanziala plitost difficila. Tranter 10 e 16% dals dumandads inditgetschan che lur situaziun saja il mument pulit trista.

E las Svizras ed ils Svizzers?

Cun ils giuvenils svizzers pari dad ir bain. 39% din ch'els vegnian flot sur las rundas; per 35% è la situaziun finanziala schizunt empernaivla.

E co vesa quai ora tar Tai? Tutgas ti era tar questa maioritad? U has ti adina il sentiment da stuair volver mintga da tschintg raps e da strusch pudair Ta lubir insatge? Ta participescha er ti al questiunari da Generation What, il link avra en ina nova fanestra.