Siglir tar il cuntegn

Generation What Dieu? Na dovr jau betg!

Pudessas ti esser cuntent senza la cardientscha en Dieu? Passa la mesadad dals Europeans din gea.

Maletg simbolic. Grafica: Ina crusch ed ils simbols da Gea e Na.
Legenda: Esser cuntent senza Dieu: Gea u Na? Blers Europeans din «Gea». Colourbox

Il tun tar quella dumonda è fitg cler en l’entira Europa: In cler «Gea» dominescha tras e tras. En tuts pajais che han fin ussa gì avunda participants al questiunari èsi vegnì ditg «Gea» cun almain dus terzas da las vuschs.

Interessant è da vesair che las persunas las pli giuvnas e las pli veglias avessan dapli fadia da viver senza (in) Dieu che ils auters segments da vegliadetgna. Era tar ils pli giuvens ed ils pli vegls èsi dentant ina gronda e clera maioritad che di «Gea».

Co èsi cun la fidanza en las instituziuns religiusas?

La dumonda «Fidas ti ad instituziuns religiusas?» respundan passa la mesadad dals Svizzers cun «insumma betg». Anc ina giada rodund 30% dals Svizzers fidan era «plitost betg» a las instituziuns religiusas. Ils Svizzers ch'èn sa participads al questiunari da «Generation What?» sa sentan er betg sco societad che s’identifitgescha en emprima lingia sur la religiun. En emprima lingia s’identifitgeschan els sur las valurs liberalas e democraticas.

E ti? Poss viver senza in Dieu? Manca la fidanza en las instituziuns religiusas era? Ta participescha er ti al questiunari online «Generation What?», il link avra en ina nova fanestra.