Siglir tar il cuntegn

Header

video
Frars Klitschko s'inscuntran cun fugitivas a Tavau
Or da Telesguard dals 24.05.2022.
abspielen. Laufzeit 4 minutas 19 Sekunden.
cuntegn

Frars Klitschko e fugitivs In pitschen inscunter cun ina gronda valur simbolica

Il president da Kiev Vitali Klitschko e ses frar Wladimir èn s'inscuntrads a l'ur dal WEF a Tavau cun fugitivas ch'abiteschan actualmain a Tavau.

Ils dus frars han prendì temp durant circa in'ura per discurrer cun las persunas ch'han stuì bandunar lur da chasa e famiglias en l'Ucraina e vivan il mument a Tavau. RTR ha pudì accumpagnar cun la camera exclusivamain quest inscunter. Els hajan empruvà da dar speranza ma er far cler ch'i possia anc cuzzar in temp enfin che la situaziun sa megliuria, quai ha declerà il president da la citad da Kiev Vitali Klitschko.

Malgrà che la Svizra è in bel pajais n'è quai betg il dachasa da las persunas fugidas – ellas vulan turnar enavos en l'Ucraina.
Autur: Vitali Klitschko President da la citad da Kiev
audio
Fugitivs ucranais s'inscuntran al WEF cun ils frars Klitschko
aus Actualitad vom 24.05.2022.
abspielen. Laufzeit 3 minutas 46 Sekunden.

L'inscunter saja stà fitg emoziunal per omaduas varts, quai ha er percurschì il landamma da Tavau Philipp Wilhelm ch'è er stà da las partida. Malgrà la situaziun difficila haja l'inscunter er dà speranza, uschia han ditg duas fugitivas envers RTR. Da vesair e pudair discurrer cun ils frars Klitschko haja dà forza.

Nus vulain turnar enavos e bajegiar si nossa patria. L'inscunter dat speranza che quai è insacura puspè pussaivel.
Autur: Fugitiva da l'Ucraina ch'è a Tavau

Vitali e Wladimir Klitschko èn anc enfin gievgia al Forum d'economia a Tavau.

RTR actualitad 08:30

Artitgels legids il pli savens

Scrollar a sanestra Scrollar a dretga