Siglir tar il cuntegn

Exteriur Zuckerberg: «Igl è stà mes sbagl.»

Il schef da Facebook Mark Zuckerberg vul dumandar per perdun en il congress american, quai en vista a l'affera da datas enturn ses concern.

Mark Zuckerberg.
Legenda: Mark Zuckerberg sto sa responsar avant il congress american pervia dal scandal. Keystone

Els n'hajan betg fatg avunda per evitar donns, hai num en ina decleraziun a la cumissiun da la chombra dals represchentants. Las investiziuns en la segirezza vegnian ad influenzar en l'avegnir la probabladad da Facebook. Zuckerberg sto sa responsar il mardi avant il congress pervia dal scandal.

Pertutgads svizzers vegnan infurmads

En Svizra èn 29'198 utilisaders da Facebook pertutgads dal scandal da datas. Tenor la rait sociala vegnan ils pertutgads infurmads dapi las 18:30.

Probabel ha la rait sociala dà vinavant datas persunalas dad 87 milliuns utilisaders a la firma per la cussegliaziun politica Cambridge Analytica. Las datas èn para vegnidas duvradas per sustegnair il cumbat electoral american da Donald Trump d'avant dus onns.

RR novitads 21:00