En la zona da l'Euro resta la dischoccupaziun er il zercladur sin in nivel bass da record. Sco gia il matg era la quota tar 6,6%, sco quai che l'uffizi da statistica Eurostat communitgescha. Dapi l'introducziun da l'Euro sin las fieras da finanzas il 1999 n'è la quota anc mai stada pli bassa. Avant in onn era la quota da dischoccupaziun anc tar 7,9%. La pli auta dischoccupaziun ha la Spagna cun 12,6% – la pli bassa ha la Germania cun 2,8%. 19 dals 27 stadis commembers da l'Uniun Europeica han l'Euro sco munaida.
Guardà sur l'entira UE ora, saja il svilup stà sumegliant, la quota da dischoccupaziun saja la 6,0%, sco Eurostat scriva.