Siglir tar il cuntegn

Header

cuntegn

Exteriur «Zika» sa derasa: Emprim cas en il Danemarc

En il Danemarc datti l'emprim cas dal virus «Zika». In um saja s'infectà cun il virus sin in viadi en l'America latina e l'America dal sid.

L'um haja planschì da mal il chau e da musclas sco er da fevra, communitgescha l'ospital universitar ad Aarhus. Il pazient vegnia tractà ambulant, cun el giaja quai però bain.

«Zika» era en Svizra, però nagin problem

Cas da «Zika» datti era en Svizra. L'Uffizi federal da sanadad ha enconuschientscha da 2 cas da persunas ch'èn s'infectadas cun il virus. Ellas èn returnadas da viadis a Haiti e la Columbia.

Tenor l'Uffizi da sanadad federal svizzer n'è in'infecziun cun il virus da «zika» da principi betg in gronda chaussa. Sulet per dunnas en speranza e lur uffants betg naschids saja il virus problematic. Perquai recumonda l’Uffizi federal da sanadad da duvrar ina buna protecziun cunter mustgins tar viadis en Brasilia ed ulteriurs pajais tropics.

RR novitads 10:00

Artitgels legids il pli savens