Siglir tar il cuntegn

Header

cuntegn

Exteriur Zika chaschuna propi microcefalia

Fin uss na deva quai betg in mussament scientific per il connex tranter il virus da Zika e la naschientscha d’uffants cun chaus extraordinariamain pitschens, la microcefalia. Uss duain scienziads americans avair cumprovà quest connex, communitgescha l’uffizi da sanadad dals Stadis Unids.

Scienziads americans duain avair cumprovà il connex tranter il virus da Zika e la naschientscha d’uffants cun chaus extraordinariamain pitschens. I saja segir ch’il virus chaschunia era auters grevs donns vid il tscharvè.

In connex tranter il virus da Zika e chaus extraordinariamain pitschens da novnaschids n’avevan ins fin uss anc betg confermà, mo fermamain suspectà.

Be ina resposta sin bleras dumondas

Il virus da Zika è sa derasà il pli ferm en Brasilia, nua ch’i dat era la pli gronda carschen da chass da chaus pitschens tar la naschientscha.

Bleras dumondas restian vinavant avertas. Per exempel n’èsi betg cler, quant savens ch’in’infecziun cun il virus chaschuna la microcefalia. Quai munta dentant betg che mintg’infecziun cun Zika donnegeschia ils nunnaschids. Entant datti er il suspect che Zika chaschuna problems cun ils egls u naschientschas prematuras.

RR novitads 06:00

Artitgels legids il pli savens