Siglir tar il cuntegn

Header

cuntegn

Exteriur Zica – stadi d’urgenza da sanadad per Puerto Rico

Ils Stadis Unids da l'America han proclamà il stadi d'urgenza da sanadad per l'insla Puerto Rico. Quai perquai che passa 10 milli persunas èn s'infectadas cun il virus da zica - uschia il departament da sanadad american.

Cun la decisiun da la ministra da sanadad Sylvia Burwell saja pussaivel, da dar anc dapli sustegn a la regenza da Puerto Rico, ha communitgà il ministeri. Indicaziuns pli precisas n’èn betg vegnidas fatgas.

10'690 persunas infectadas - tranter dad ellas 1'035 dunnas en speranza

En ils ultims set mais s’han infizadas tenor las autoritads localas 10’690 persunas cun il virus da zica. Tranter quellas èn 1035 dunnas en speranza. Per ellas è il virus da zica cunzunt privlus cun quai che lur uffants pon nascher cun in chau memia pitschen, in'uschenumnada microcefalia.

Zica sa derasa dapi l'onn passà en

Dapi l’onn passà sa derasa il virus zica en l’America latina. Il fanadur han annunzià ils stadis Unids da l’America ils emprims cas da zica a Florida, nua che las persunas eran s’infizadas a chasa e betg en l’exteriur.

Sco territori a l’exteriur fa l'insla Puerto Rico part dapi il 1898 dals Stadis Unids da l'America.

RR novitads 10:00

Artitgels legids il pli savens