Siglir tar il cuntegn

Header

cuntegn

Exteriur Youtube cumbatta cunter violenza ed extremissem

La plattafurma da films vul intervegnir pli fitg cunter violenza ed extremissem. Quai suenter massiva critica e squitsch politic.

Il dumber da persunas che controlleschan ils cuntegns vegnia il 2018 auzà sin 10'000 persunas, ha la schefa da Youtube Susan Wojcick rapportà il mardi.

Plinavant duain ins far dapli diever da maschinas ch'emprendan autonomamain e san tge cuntegns ch'ellas ston eliminar. Cun il sustegn da quella purschida sa Youtube eliminar pli spert cuntegns inadequats. Davent dal zercladur han ils algoritmus surluvrà tants films sco quai che 180'000 persunas avessan fatg cun lavurar 40 uras l'emna. La plattafurma ha davent dal zercladur stizzà 150'000 films – 98% da quels tras las maschinas intelligentas.

Clients da reclama han fatg squitsch

La rait sociala era vegnida sut squitsch dals clients da reclama, suenter che lur annunzias eran vegnidas mussadas en connex cun films extremists. La nova finamira sin Youtube saja «Reclama duai mo vegnir mussada, nua ch'ella duai era vegnir mussada». E quai vul ins cuntanscher cun l'augment en la controlla da resursas umanas e dals algoritmus.

RR novitads 09:00

Artitgels legids il pli savens