Al top-manager Martin Winterkorn renfatschan las autoritads americanas d'esser stà orientà dal scandal da svapurs tar VW gia pli baud che quai ch'el ha concedì enfin uss. Winterkorn era sa retratg da ses post da schef da concern curt suenter ch'ils Americans avevan scuvrì manipulaziuns da svapur tar numerus autos da diesel da VW.
Pervi dal scandal ha VW stuì pajar chastis da milliardas da dollars en ils Stadis Unids. La giustia americana ha gia sentenzià dus collavuraturs a plirs onns praschun ed auts chastis da daners. En ulteriurs pajais n'hai fin uss anc dà naginas sentenzias.
RR novitads 06:00