Exteriur - WHO vul cumbatter derasaziun da la fevra melna
L'Organisaziun mundiala da la sanadad WHO vul cumbatter la derasaziun da la fevra melna cun ina gronda campagna da vaccinar. Ins haja empustà 2 milliuns ulteriurs vaccins, ha communitgà l'organisaziun a sia sesida d'urgenza.
En l'Angola sajan confermads bun 800 cas da malsogna. Las autoritads angolanas discurran da 300 unfrendas. Da l'Angola è la malsogna sa derasada sin il stadi vischin Congo. Ulteriurs cas èn er vegnids annunziads en Kenia e la China.
Malgrà la derasaziun desista la WHO da proclamar il stadi d'urgenza. La fevra melna vegn dada vinavant dal medem mustgin sco il virus da Zika.
