Siglir tar il cuntegn

Header

cuntegn

WEF Ross defenda dazis da protecziun

Il minister d'economia american Wilbur Ross ha defendì ils novs dazis da protecziun sin implants solars e maschinas da lavar al WEF a Tavau.

«Guerras da commerzi datti mintga di. Mintga di surpassan differentas partidas las reglas e profiteschan da quai nunlubidamain», cun quests pleds defenda il minister d'economia american Wilbur Ross ils novs dazis da protecziun sin implants solars e maschinas da lavar en ils Stadis Unids. Ils Stadis Unids hajan uss construì lur mirs da defensiun.

La cuntrareacziun da la China na temia el betg. Tar mintga decisiun da politica da commerzi dettia la pussaivladad da far vendetga. I saja la decisiun da la China sch'els veglian reagir u betg.

RR novitads 14:00

Artitgels legids il pli savens