Siglir tar il cuntegn

Header

cuntegn

WEF Macron per ina nova strategia europeica

Il president franzos Emmanuel Macron ha en ses pled al WEF accentuà ch'i dovria ina renaschientscha da l'Europa.

L'Europa dovria in plan da 10 onns. Quai ha ditg il president franzos Emmanuel Macron en ses pled da mesemna al WEF. Mo cun ina buna collavuraziun possia l'Europa sa far valair envers ils Stadis Unids ed era envers la China. La Frantscha na vegnia betg ad avair success senza che l’Europa haja success, perquai dovria quai propi ina renaschientscha da l’Europa. Il 2018 saja l’onn ch’ina nova strategia europeica stoppia vegnir lantschada.

audio
Bunura: WEF – Macron s'engascha per ina nova Europa
ord Actualitad dals 25.01.2018.
laschar ir. Durada: 2 minutas 19 Secundas.

Las valurs sco libertad, fairness e giustia ma era la libertad dal singul, questas valurs sajan sulet equilibradas en l’Europa. Per evitar ina sparpagliada dal mund dovri ina Europa ferma ed unida, ha ditg Macron al WEF a Tavau. Ultra da quai ha el accentuà ch'i dovri in cumbat cunter l’optimaziun da taglia ed ha proponi ch'il Fond monetar internaziunal surveglia en l'avegnir l'entir sistem da finanzas.

RR actualitad 07:00

Artitgels legids il pli savens