Jeffrey Webb, l'anteriur vicepresident da la FIFA e president da la federaziun continentala da l'America dal nord e centrala, è sclaus per vita duranta da tuttas activitads da ballape.
Vitiers ha el da pajar ina multa d'in milliun francs. Cunter l'um da 51 onns ha la cumissiun d'etica da la FIFA investigà dapi il 2015. Ils 27 da matg da l'onn passà è Webb vegnì arrestà a Turitg e lura vegnì surdà als Stadis Unids da l'America. Ad el smanatscha in chasti da fin 20 onns praschun.
