VW vegn a stuair cumprar enavos autos en ils Stadis Unids

Il scandal da svapur tar l’interpresa VW ha sco consequenza che radund 115’000 autos ston vegnir cumprads enavos en ils Stadis Unids.

In um fa in test da svapur tar in auto.

Legenda da maletgs: Il scandal da svapur da VW è vegnì chattà da l'uffizi d'ambient dals Stadis Unids. Keystone

La gasetta tudestga «Süddeutsche Zeitung» rapporta ch’ils possessurs d’autos Volkswagen survegnan enavos il pretsch da cumpra u ch’els survegnan in auto nov per meglras cundiziuns. La gasetta na numna dentant betg funtaunas concretas. Per ils ulteriurs autos pertutgads quinta VW cun reparaturas pli intensivas ed er charas. Il concern da VW n'ha betg prendì posiziun en chaussa.

RR novitads 10:00