Sut il stritg è sa resultà in minus da 1,6 milliardas euros per il 2015.
La raschun è ch'ins ha stuì far reservas da passa 16 milliardas euros per consequenza dal scandal da diesel.
Spustà rapport
VW ha annunzià da spustar ses rapport davart la dumonda da culpa en connex cun il scandal. Uschiglio resultassan ristgs betg responsabels, damai ch'ils chastis per il concern pudessan anc s'augmentar.
Entant cloman era Audi, Mercedes, Opel e Porsche enavos 630'000 autos perquai ch'i dat irregularitads tar la purificaziun da svapurs.
Plants cunter VW er en Svizra
Possessur svizzers d'autos da Volkswagen han fin ussa inoltrà passa 2'000 plants tar la Procura publica federala pervi da las valurs da svapur manipuladas.
Il dossier saja vegnì surdà avant intgins dis a la Procura publica a Braunschweig communitgeschan las autoritads svizras.
Sezza na maina la Procura publica svizra naginas proceduras en il scandal da VW.
La procedura en Germania cumpiglia entant 11 milliuns autos pertutgads.
En Svizra èn radund 180'000 vehichels equipads cun la sofware manipulada.
RR novitads 18:00