Formalmain sa tractia d'ina irregularitad: Il chasti sa cumpona d'ina multa maximala da 5 milliuns euros sco er d'in retgav da la prelevaziun d'avantatgs economics da 995 milliuns euros, uschia scriva VW. Il constructur d'autos desista da far recurs e renconuschia sia responsabladad. Ils daners ston vegnir pajads aifer sis emnas al Bundesland Niedersachsen.
Tenor las inquisiziuns saja vegnì cuntrafatg a l'obligaziun da surveglianza. Entras quai sajan 10,7 milliuns autos cun motors da diesel ed ina funcziun da software faussa vegnids vendids.
Gia en ils Stadis Unids ha VW pajà in chasti da pliras milliardas dollars.
RR novitads 20:00
