Siglir tar il cuntegn
Inhalt

Exteriur VW infurmescha ils proxims dis ils clients pertutgads

Clients da VW che possedan in auto ch'è equipà cun ina software da svapurs manipulada vegnan infurmads proximamain per posta, sche lur vehichel da diesel sto vegnir remedià.

Blers vegnan a survegnir ils proxims dis posta da VW.
Legenda: Blers vegnan a survegnir ils proxims dis posta da VW. Keystone

Il concern ha preschentà uffizialmain il plan per las remeduras, senza dentant numnà detagls. VW e las ulteriuras marcas dal concern vulan preschentar a las autoritads las soluziuns tecnicas durant il mais d'october.

Er ils garaschists grischuns sentan il scandal da VW

Betg mo il concerns da VW patescha dal scandal da la software da svapur manipulada. Er ils garaschists che vendan las marcas VW, Audi, Skoda e Seat en pertutgads.

Las consequenza n’èn per il mument anc betg grondas. Tenor il garaschist da Scuol Flurin Denoth èn las reacziuns da la clientella stadas stadas pitschnas. Quai che pertutga la vendita d’autos saja però anc memia baud da prender posiziun.

RR novitads 17:00