Siglir tar il cuntegn
Inhalt

Exteriur VW ed autoritads americanas sa cunvegnan

Il concern d’autos Volkswagen e las autoritads americanas han chattà in cumpromiss en la crisa da svapur en ils Stadis Unids, quai curt avant che l’ultimatum scadia.

Logo da VW avant bajetgs en Germania.
Legenda: Pervi dal scandal quinta VW da stuair far reservas da fin 20 milliardas euros. Keystone

Sco quai che la dretgira a San Francisco communitgescha, possia il possessur dad in auto da diesel manipulà decider schebain la software da l’auto duai vegnir remplazzada u sch’il concern duai cumprar enavos l’auto.

Detagls ston anc vegnir sclerids

Plinavant duai dar ina indemnisaziun substanziala. Ils detagls da la schliaziun senza ina dretgira duain però anc vegnir concretisads. En il Stadis Unids èn prest 600’000 autos pertutgads da las manipulaziuns da svapur. Tenor insiders quinta il concern da VW da stuair far reservas da fin 20 milliardas euros pervi dal scandal.

RR novitads 18:00