Exteriur - VW e Porsche cloman enavos 800'000 vehichels
Entamez il scandal da svapurs da VW cloman Volkswagen e ed il concern affilià Porsche enavos ulteriurs 800’000 vehichels. Ils dus models da medema construcziun VW Touareg e Porsche Cayenne han eventualmain in sbagl vi dal pedal dal frain.
Legenda:
390'000 vehichels
dal tip VW Touareg...
Keystone
2 / 2
Legenda:
...e 410'000 vehichels
dal tip Porsche Cayenne vegnan clamads enavos. Entant è la producziun frenada.
Keystone
Il concern VW sto clamar enavos 800'000 vehichels dal tip Touareg e Porsche dal tip Cayenne. Pertutgads èn autos ch'èn vegnids construids tranter il 2011 ed il 2016. Tenor VW e Porsche sto ins controllar il pedal dal frain. Il problem saja vegnì constatà tar examinaziuns internas. Gia la mesemna aveva VW stuì clamar enavos 177'000 Passats pervi da problems cun l'electronica. Ils dus recloms n’han da far nagut cun il scandal da svapurs.
VW sto reparar milliuns da vehichels en tut il mund pervi da la manipulaziun da las valurs da svapur.
