Siglir tar il cuntegn

Exteriur Virus da Zika cuntanscha l'Africa

Tenor la WHO han ins dumbrà sin las Inslas dal Cap Verd ils emprims cas da suspect.

Mustgin.
Legenda: Il virus da Zika vegn surtut transmess da mustgins. Keystone

Il tip dal virus da Zika ch`è sa derasà ils ultims mais en la Brasilia ed ulteriurs pajais da l’America dal Sid ha cuntanschì l’Africa. Il virus saja probablamain vegnì da la Brasilia sin las Inslas dal Cap Verd nua ch’ins haja gia registrà passa 7’500 cas da suspect da Zika. Quai ha communitgà l’Organisaziun mundiala da la sanadad WHO.

Entant vali sco segir ch’il virus da Zika po chaschunar defurmaziuns tar uffants anc betg naschids. Ils uffants naschan uschia cun in chau memia pitschen. Quai procura savens per impediments spiertals.

Il virus vegn en l’emprima lingia transmess da mustgins. Actualmain sa derasa Zika cunzunt en l’America Centrala e dal Sid, sco er en la Caribica.

RR novitads 21:00