Siglir tar il cuntegn
Inhalt

Exteriur Violenza sco anc mai tranter migrants a Calais

En la citad da Calais hai dà la gievgia cravals tranter migrants da l’Africa e tals da l’Afganistan. Suenter ina visita al lieu ha ditg il minister da l’intern franzos Gérard Collomb, che la situaziun saja insupportabla.

Pliras persunas en ina dispita violenta
Legenda: Quest maletg d’in video mussa ina scena da craval a Calais. Keystone

Anc la gievgia era Collomb viagià a Calais. Per ils abitants da la citad al chanal da la Mongia na saja la situaziun betg da supportar, ha el manegià. Els na possian betg laschar valair il dretg dal pli ferm en la Frantscha.

Suenter ils cravals èn quatter dals migrants blessads en privel da vita. Tenor infurmaziuns dal ministeri da l’intern ha probablamain in um afgan sajettà sin ina gruppa da persunas da l’Eritrea.

Gia dapi onns in «hot spot»

Da Calais anora emprovan dapi onns blers migrants da cuntanscher la Gronda Britannia. Ed actualmain emprovan cuntrabandists afgans, da controllar lieus impurtants per ils migrants, sco in represchentant d’ina organisaziun d’agid ha ditg a l’emettur da televisiun BFMTV.

RR novitads 12:00