Siglir tar il cuntegn
Inhalt

Exteriur Victoria per Trump: Senat ha approvà refurma fiscala

Il senat american ha approvà la refurma fiscala istorica. Quai grazia a la maioritad dals republicans. Cun 51 cunter 49 vuschs è il resultat stà stretgs. Nagin democrat ha vuschà per la refurma.

President Trump en l'Oval Office.
Legenda: President Trump en l'Oval Office. Keystone

Dals 100 senaturs èn 52 republicans. Be in senatur republican ha vuschà cunter la refurma. Sco las agenturas da novitads rapportan hajan l'emprim anc trais republicans exprimì dubis. I sa tractia dad in'etappa impurtanta per il president american Donald Trump.

Cunquai che la chombra dals deputads aveva gia approvà in sboz sto il parlament ussa armonisar las duas variantas.

Reducziuns cunzunt per interpresas e persunas ritgas

Omaduas propostas han en mira massivas reducziuns da taglia per interpresas. En general profiteschan cunzunt persunas ritgas da la refurma. Malgrà che Trump aveva annunzià la refurma sco regal da Nadal per ils la classa sociala mesauna u bassa.

RR novitads 09:00